Коллина: «VAR жорий қилинган мусобақаларда симуляция деярли йўқолди»

Машҳур собиқ футбол ҳаками Пьерлуижи Коллина ҳакамларга кўмак бераётган (VAR) тизими симуляция билан кураш олиб боришда ёрдам бераётганини айтиб ўтди.

«Умуман олганда футбол симуляция билан омадли кураш олиб бормоқда. Мен сизга кўпроқ нарса айтаман: VAR тизимининг тадбиқ қилиниши уни умуман йўқ қилиш учун чорланган. Ҳозирда биз ушбу феноменнинг пасаётганини кузатмоқдамиз.

Бугун ҳар бир футболчи тушуниб турибдики: VAR тизими майдоннинг ҳар бир бурчагига ета олади ва курашнинг ҳар қандай жойини кузатиши мумкин. Бош ҳакамнинг кўзи илғамаган нарсани видеотакрор йўқотмайди. Қоидабузарлар тушуниб турибдики, уларнинг бошқа иложи ҳам йўқ. Ишонинг, бу жуда ҳам кучли руҳий англатиш.

Ушбу тизимнинг тадбиқ қилиниши ўйинни яхшилаш учун жорий қилинган. VAR – мухлислар, футболчилар ва ҳакамлар учун ёрдамчи. Ҳа, ўйин пайти вазиятни кўриб чиқиш учун кўпроқ вақт кетмоқда, лекин кейинчалик йўлга тушиб кетади.

VAR ўзини Россиядаги жаҳон чемпионатида яхши кўрсатди, тизимни Либертадорес кубогида ҳам ишлатишди. Германия, Португалия, Италия, Корея, Австралия чемпионатларида ҳам тадбиқ қилинди. VAR тизими бор статистика мусобақаларда симуляциянинг деярли йўқ бўлганини кўрсатмоқда», - дейди Коллина.

Янгиликлар