Элнур Абдураимов ва танзаниялик боксчи тарозига чиқди (фото)

Эртага Россия Федерациясининг Екатеринбург шаҳрида катта профессионал бокс кечаси бўлиб ўтади.

Унда бир қатор боксчиларимиз ўзларининг навбатдаги жангларини ўтказишади. Жумладан енгил вазнда ҳамюртимиз Элнур Абдураимов (4, 4КО) ўзининг профи боксдаги бешинчи жангини ўтказади. Бу сафар унга танзаниялик Исса Нампечече (29-9-6) рақиблик қилади.

Бугун мазкур жанг олдидан боксчилар вазн ўлчаш маросимида иштирок этишди.

Шунингдек ушбу кечада яна бир қатор ҳамюртларимиз ҳам жанг ўтказишади. Жумладан профи боксда мағлубиятсиз одимлаб келаётган Равшанбек Умурзоқов шу куни ЖАРлик Антони Молоизанга (11-3-1) қарши рингга кўтарилади.

Бундан ташқари Сардор Музаффаров (4-1-0) ўзининг бешинчи жангини тожикистонлик Асрор Воҳидовга (2-0-0) қарши ўтказса, Алишер Хабибуллаев (4-1-0) россиялик Илья Баландин (3-2-0)га қарши рингга чиқади. «Замин»ни Telegram’да ўқинг!