“Dubai Cup-U23”. Ўзбекистон сўнгги дақиқаларда урилган гол эвазига мағлубиятдан қутулиб қолди

БААда давом этаётган “Dubai Cup-U23” халқаро мусобақаси ўз ниҳоясига етди. Бугун ниҳоясига етган ўйинда Ўзбекистон олимпия терма жамоаси Сайдия арабистони олимпия терма жамоаси билан 2:2 ҳисобида дуранг ўйнади. Жамоамиз сафида олимпиячиларимиз сардори Ислом Қобилов ва Абдулла Абдуллаев рақиб дарвозасини ишғол қилишга муваффақ бўлди.

Ўзбекистон - Саудия Арабистони 2:2
Голлар: Ислом Қобилов (48), Абдулла Абдуллаев (90+2) - Саад Али Алсалули (5), Сами Ҳалил Ал Нажи (17).

Ўзбекистон U-23: 1.Абдувоҳид Неъматов, 3.Шароф Муҳиддинов, 5.Дилшод Саитов, 6.Азиз Ғаниев, 9.Жасур Яхшибоев, 10.Бобир Абдихолиқов, 11.Миржаҳон Мираҳмадов, 14.Аброр Исмоилов, 15.Ойбек Рустамов, 19.Илҳом Алижонов, 23.Ойбек Бозоров.
Захира: 12.Низомиддин Зиёвутдинов, 2.Ислом Қобилов, 4.Абдулла Абдуллаев, 8.Нурилло Тўхтасинов, 13.Шерзод Насруллаев, 16.Азиз Амонов, 17.Ислом Рашидхонов, 18.Ҳусниддин Алиқулов, 20.Шаҳбоз Жўрабеков, 22.Достон Ибрагимов, 24.Асад Собиржонов, 31.Иброҳим Йўлдошев.

Шу тариқа Олимпия терма жамоамиз мазкур мусобақадаги иштирокни якунлади. Бу Любинко Друлович учун келаси йил январь ойида Таиландда бўлиб ўтадиган Осиё чемпионати олдидан янги футболчиларни кўздан кечириш, қатор тактик схемаларни синовдан ўтказиш имкониятини берди.

Эслатиб ўтамиз, жамоамиз ўтказилган 4 учрашувда 2 дуранг ва 2 мағлубият қайд этди. “Замин” янгиликларини “Facebook”да кузатиб боринг