Нукусда полвонлар баҳсида ғолиб бўлган Миллий гвардия хизматчисига Президент совғаси — Cobalt берилди

^{Фото: Миллий гвардия матбуот хизмати}
Қорақалпоғистоннинг Нукус шаҳаридаги Марказий «Ипподром» майдонида Қишлоқ хўжалиги ходимлари кунига бағишланган «Ҳосил байрами» ўтказилди, деб хабар бермоқда Миллий гвардия матбуот хизмати.

Байрам тадбирида миллий ва халқ ўйинлари, шунингдек, турли хилдаги спорт мусобақалари ташкиллаштирилган.

Полвонлар баҳсида бош соврин учун гиламга чиққан Миллий гвардия ҳарбий хизматчиси Элёр Машарипов рақибларидан устун чиқиб, ғолибликни қўлга киритган ва Президент совғаси – Cobalt автомашинаси билан тақдирланган. «Замин»ни Telegram’да ўқинг!