Жоау Фелиш - «Golden Boy-2019» соҳиби

^{Фото: Getty Images}
«Атлетико» футболчиси Жоау Фелиш «Tuttosport» талқинига кўра, Европанинг 2019 йилдаги энг яхши ёш футболчисига топшириладиган «Golden Boy-2019» совринига эга чиқди.

Италия нашри томонидан 2003 йилдан буён, анъанавий тарзда 21 ёшгача бўлган Европанинг энг яхши ёш футболчисига топшириладиган совринга 20 ёшли португалиялик футболчи муносиб кўрилди. У сўровномада «Боруссия» Дортмунд клуби яримҳимоячиси Жейдон Санчодан кўпроқ овоз тўплади.

Овоз бериш якунларига кўра, номзодлар рўйхати:
1. Жоау Фелиш («Атлетико»/«Бенфика») – 332 очко
2. Жейдон Санчо («Боруссия» Дортмунд) – 175
3. Кай Хавертц («Байер») – 75
4. Эрлинг Ҳоланд («РБ Зальцбург») – 74
5. Маттейс де Лигт («Ювентус») – 71.

Эслатиб ўтамиз, ўтган йил ушбу соврин «Аякс» ҳимоячиси Маттейс де Лигтга насиб этганди. «Замин»ни Telegram’да ўқинг!