Фото: «Ҳумо»
Тошкентнинг «Ҳумо» хоккей клуби келаси мавсум Олий Хоккей Лигасида (ОХЛ) иштирок этмаслигини маълум қилди.
Бу ҳақида клуб матбуот хизмати ўз баёноти орқали эълон қилди. Бунга коронавирус пандемияси сабаб юзага келган ноқулайликлар, мусобақалар қачон ва қай тариқа ўтказилиши номаълум бўлиб қолаётгани сабаб сифатида кўрсатилган.
«Инфекциянинг тарқалиш кўламини, янги коронавируснинг инсон ҳаёти ва соғлиғига хавф солаётганини инобатга олган ҳолда, мавсум олдидан тайёргарликнинг ва ОХЛ чемпионатининг бошланиш вақти тўғрисида аниқ тушунча бўлмагани сабабли, шунингдек, у қай тарзда ўтказилишини ноаниқлигини ҳисобга олган ҳолда, клуб раҳбарияти ОХЛ ва QRО чемпионатларининг 2020/21 йилги мавсмида иштирок этмаслик қарорига келди», — дейилади баёнотда.
Баёнотда клубининг кейинги мавсум қайси мусобақада иштирок этиши маълум қилинмаган.
ТАСС'нинг хабар қилишича, «Ҳумо» бир мавсум ўтиб ОХЛга қайтиши мумкин. Бу ҳақда клуб матбуот хизмати раҳбари Александр Малишев маълум қилган.
«Бир йил ўтиб «Ҳумо» қайтишига умид билдирамиз. Ҳозирда пандемия билан боғлиқ вазиятни башорат қила олмаймиз», — дейди Малишев.
«Ҳумо» хоккей клубига 2018 йил охирида асос солинган. Жамоа уй учрашувларини «Humo Arena»да ўтказади. 2019 йилда хоккей бўйича Ўзбекистон чемпионатида иштирок этган. 2019 йилнинг ёзида «Humo» ОХЛда иштирок этиши маълум қилинганди.
Эслатиб ўтамиз, «Humo Arena» очилиш маросимида россиялик бир қатор хоккей афсоналари Ўзбекистонга ташриф буюрганди. Президент Шавкат Мирзиёев таклифи билан Александр Якушев, Валерий Каменский, Алексей Жамнов ва Виталий Прохоровларга Dream City компанияси томонидан Тошкент шаҳридан уй берилганди.
Маълумот учун, ОХЛ (ВХЛ) — Россиянинг КХЛдан кейинги иккинчи даражали хоккей лигаси. Унинг 2019/20 йилги мавсумида Россиянинг 27 та, Қозоғистон ва Хитойнинг 3 тадан клуби қаторида Ўзбекистон номидан «Humo» иштирок этган. ОХЛ 2019/20 йилги мавсуми март ойи сўнггида коронавирус сабаб муддатидан аввал якунланганди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Толибон” Афғонистоннинг Хост вилоятида беш нафар фуқарони қамчи билан жазолади
Владимир Путин «Крокус»да содир этилган теракт учун ўч олишга чақирди
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Мария Захарова украиналикларни Америка ҳиндуларига ўхшатди
Америкалик олимлар барча учун бирдек фойдали жисмоний фаоллик турини аниқлади
Зоир Мирзаев “Телефонсиз мактаб”га 300 млн сўм мукофот берди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради