12:18 / 21.07.2020
1 787

Дмитрий Селюк: "Жалолиддинов учун бериладиган 1 миллионни икки киши бўлишиб олган шекилли"

Дмитрий Селюк: "Жалолиддинов учун бериладиган 1 миллионни икки киши бўлишиб олган шекилли"
Машҳур футбол агенти Дмитрий Селюк Жасур Жалолиддиновнинг Москванинг "Локомотив" клубига ўтиши ҳақида ўз фикрини билдирди.
- "Кикнадзенинг ("Локомотив" бош директори) навбатдаги хатоси. Белоус уни аҳмоқ қилди. 1,7 метр бўйли, озғингина, курашларга асосланган лигада ҳеч қачон ўйнай олмайди. У (Жасур Жалолиддинов) Яқин Шарқ ёки Осиёга бориши керак. Илтимос Белоуснинг тарафкашлари уни Месси билан таққосламанг. Ҳеч кимни хафа қилмоқчи эмасман, лекин "Пахтакор" - "Бунёдкор" (5:0) учрашувини томоша қилсангиз, кучлироқ рақибга қарши баҳсда бу мўъжизакор футболчи умуман кўринмаганини тушуниш мумкин. Унинг учун 1 миллион тўлашга тайёрлар. Менимча, Кикнадзе ва Белоус пулни бўлишиб олишган", - деб ёзади Дмитрий Селюк твиттердаги ўз саҳифасида.

Маълумот учун, Селюк кўплаб украиналик футболчиларнинг агенти. Унинг энг машҳур мижози Яя Туре бўлганди. Селюк анчадан буён Кикнадзе билан яхши муносабатда эмас.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)