18:30 / 21.09.2020
887

Жерар Сарагоса: "Биз ҳали "тирикмиз" ва охиригача курашамиз"

Жерар Сарагоса: "Биз ҳали "тирикмиз" ва охиригача курашамиз"
Кеча бўлиб ўтган "Шабаб Ал Аҳли" - "Пахтакор" баҳси 0:0 ҳисобида якун топди. Ўйиндан кейинги матбуот анжуманида дубайликлар бош мураббийи Жерар Сарагоса қуйидаги фикрларни билдирди.

- Майдонда иккита яхши жамоа кураш олиб борди. Дастлабки икки турдан сўнг ҳисобимизда умуман очко йўқ эди. Доҳага келиб 7 очко тўпладик ва ҳозирги аҳволимиз анча яхши. Энди бизда ҳам кейинги босқичга чиқиш имконияти пайдо бўлди.

- Имкониятларни қандай баҳолайсиз?
- Шуни айтишим мумкин, биз ҳали "тирикмиз" ва имкон бор экан охиригача курашамиз.

- "Шабаб Ал Аҳли" кейинги турни "Ал Ҳилол"га қарши ўтказади. Бу учрашув ҳақида нима дея оласиз?
- Ҳар бир баҳс қийин ўтяпти. "Ал Ҳилол" - кучли жамоа, бежизга ўтган йил ОЧЛ ғолиби эмас. Ҳар ўйиндан олдин уларда коронавирус билан боғлиқ муаммолар юзага келяпти, лекин жамоа барибир яхши ўйнаяпти.

- Жамоангиз "Ал Ҳилол"га қарши ижобий натижа қайд этиб кейинги босқичга чиқишига ишонасизми?
- Албатта, ишонаман. Ишонч бўлмаганида бу ерга келмасдик. Ҳозир иккинчи ўрин учун "Пахтакор" ва биз курашяпмиз. Имкониятлар эса бир хил. Биз аввало ўз ўйинимизни ўйлашимиз керак. "Пахтакор" - "Шаҳр Ходро" ўртасида кечадиган беллашув эса алоҳида масала.

- Азиз Ғаниев аввалги иккита баҳсда бошланғич таркибда ҳаракат қилганди, лекин бугун захирадан майдонга тушди. Буни қандай изоҳлайсиз?
- Ўйинга белгиланган тактикадан келиб чиқиб шундай йўл тутдик. Азиз Ғаниев - ёш ва келажаги порлоқ футболчи. Лекин жамоамизда бошқа ўйинчилар ҳам борлигини унутмайлик. Шу боис Ғаниев захирадан қўшилди ва жамоага ёрдам беришга ҳаракат қилди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)