Шоҳжаҳон Эргашев Шаҳрам Ғиёсовга: "Барибир урушамиз, сенга осон бўлмайди"

Профессионал бокснинг супер енгил вазн (63.5 кг) тоифасида ўз жангларини ўтказадиган икки ҳамюртимиз Шоҳжаҳон Эргашев ҳамда Шаҳрам Ғиёсов ҳозирги кунда ўзбек профессионал бокс оламининг ёрқин вакилларидан ҳисобланишади. Улар ўртасидаги муносабатни кўпчилик турлича талқин қилади.

Уларни бир-бирига жуда кўп таққослашлари, жанг бўлса, кимнинг ғалаба қозониши борасида ҳам мухлислар ўртасида жуда кўплаб тортишувлар бўлиб туради. Шундай гап-сўзлар улар орасидаги муносабатнинг совуқлашгани борасидаги таассуротларни ҳам уйғотганлиги сир эмас.

Ваҳоланки, ҳар иккиси бир-бирига бўлган ҳурматини яширишмайди. Буни бевосита ижтимоий тармоқларда ҳам кузатишингиз мумкин.
Жумладан, Шоҳжаҳон Эргашев ўзининг турникдаги машқ жараёнини Инстаграм саҳифасига жойлаган ва бунга Шаҳрам Ғиёсов қойил қолган тарздаги муносабатини смайлик тарзида ифода этган.

Шоҳжаҳон Эргашев эса, бунга жавобан ҳазиломуз тарзда қуйидаги изоҳни ёзиб қолдирди.