Қозоқ боксчисига бегона мадҳия қўйиб беришди

^{Фото: «Vesti.kz»}
Куэрнавака (Мексика)даги бокс кечаси ташкилотчилари қозоғистонлик Садриддин Аҳмедовнинг жангидан аввал янглишиб бошқа мадҳияни қўйиб юборишди.

Нидерландиялик Стивен Даньо билан жангдан аввал Аҳмедов шарафига қозоқча ўрнига Канада мадҳияси янгради, ёзмоқда «Vesti.kz».

Ташкилотчилар спортчи Канадада шуғулланяптими, демак, канадалик деган фикрга боришган. Ҳолбуки, боксчи қозоқча чопон ва Қозоғистон байроғи билан рингга кўтарилганди. Албатта, у турнир ташилотчиларига норозилигини билдирди.

Умуман олганда, жанг Аҳмедовнинг ишончли ғалабаси билан якунига етди, барча ҳакамлардан очко олди. Қолаверса, биринчи ўрта вазнда WBA Continental, NABF ва WBC Francophone чемпионлиги камарларини қўлга киритди.

Янгиликлар