13:19 / 13.04.2021
1 264

«Навбаҳор» жазоланди: клуб икки учрашувни мухлисларсиз ўтказади

«Навбаҳор» жазоланди: клуб икки учрашувни мухлисларсиз ўтказади
Фото: Анвар Икромов
Ўзбекистон суперлигасининг 5-тур учрашуви («Навбаҳор»-«Пахтакор») сўнггида майдонда қатор тартибсизликлар ва келишмовчилик юзага келганди.

ЎФА Тартиб-интизом қўмитасининг йиғилишида мазкур масалалар кўриб чиқилди. Жумладан, ўйин сўнггидаги воқеалар сабаб «Навбаҳор» навбатдаги иккита уй учрашувини томошабинларсиз ўтказади.

Шунингдек, клуб техник директори Мустафо Байрамов, дарвозабонлар мураббийи Павел Синелников стадионда тартибсизликлар келиб чиқишига сабаб бўлган ножўя хатти-ҳаракатлар содир этгани, жамоа маъмури Абдурауф Ғуломов учрашув якунида рақиб жамоа футболчилари майдонни тарк этаётган вақтда нопрофессионал тарзда уларни жуда қўпол сўзлар билан ҳақорат қилгани учун уларга нисбатан футбол клуби томонидан ички интизом чорасини қўллаш тўғрисида ёзма тақдимнома киритилди.

Ўз ўрнида, «учрашув вақтида «Пахтакор» футбол клуби расмий шахслари томонидан техник зонани бир неча бор тарк этиб, стадионда тартибсизликлар келиб чиқишига сабаб бўлган ножўя хатти-ҳаракатлари содир этилгани, жамоа расмийлари ва айрим футболчилари учрашув бош ҳакамини бир неча марта номаъқул сўзлар билан ҳақорат қилгани учун клубга нисбатан Ўзбекистон футбол ассоциацияси Интизом кодексининг 5.4-бандига мувофиқ жарима интизом чораси» белгиланган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » «Навбаҳор» жазоланди: клуб икки учрашувни мухлисларсиз ўтказади