08:07 / 16.06.2021
2 385

Вадим Абрамов матбуот анжуманида нималар деди?

Вадим Абрамов матбуот анжуманида нималар деди?

Футбол бўйича Ўзбекистон миллий терма жамоаси ЖЧ—2022 мусобақаси саралаши доирасида 15 июнь, сешанба куни Саудия Арабистонига йирик ҳисобда мағлуб бўлди (0:3). Ўзбекистон терма жамоаси бош мураббийи Вадим Абрамов ушбу учрашув ҳақидаги фикрларини билдирди.

"Рақиб бугун кучлироқ ҳаракат қилди. Саудия Арабистонини иккита ўйиндаги ғалаба билан табриклаган бўлардим. Эҳтимол, улар Жаҳон Чемпионатига чиқар, жамоага омад тилаймиз. Бошқа томондан жуда қайғули ҳолат, Ўзбекистонда кўплаб мухлислар биздан ғалаба кутганди, биз улардан натижа учун узр сўраймиз.
Футболчиларни руҳий тушкунлик ҳолатидан чиқара олмаганим менинг хатом. Бошидан нима учун бунчалик бўшашганимизни тушунтириб беришим қийин.

Биз Саудиянинг қарши ҳужумда тез ҳаракат қилишини билардик, улар буни яхши уддалайди. Шунга қараб қанотларни кучайтирдик. Лекин олдинга ўтиб кетиб, биринчи ва иккинчи голларни қабул қилиб олдик. Рақибларимиз жуда осонлик билан дарвозамизга йўл топа олди. Биринчи таймда рақиб қарши ҳужумга ўтиб кетмаслигига ҳаракат қилдик, афсуски, ҳужумга берилиб кетдик ва хатога йўл қўйдик. 

Кейин эса кутилмаганда иккинчи голни қабул қилиб олдик. Саудия Арабистони дарвозаси олдида деярли хавфли ҳужум ҳам ташкил эта олмадик. Имкон етганича ҳаракат қилдик. Лекин кутилмаганда голлар ўтказиб юбордик ва ўйин услубимиз йўқолиб қолди. Мени кўпроқ гол ура олмаганимиз ҳайрон қолдирди", - деди Вадим Абрамов.

Ўзбекистон миллий терма жамоаси ўз тарихида илк марта Жаҳон Чемпионатлари саралаши доирасида сўнгги, 3-босқичга чиқа олмади. Мазкур ўйинда Вадим Абрамов шогирдларига кейинги босқичга чиқиш учун дуранг натижа ҳам кифоя қиларди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Вадим Абрамов матбуот анжуманида нималар деди?