«Насаф» 5 та гол урилган ўйинда Туркманистон клубини мағлуб этиб, Марказий Осиё минтақаси ғолиби бўлди

^{Фото: «Насаф ФК»}
Футбол бўйича ОФК Кубогининг чорак финал (Марказий Осиё финали) ўйинида «Насаф» 25 август, чоршанба куни «Аҳал» билан баҳс юритди.
Қаршида кечган баҳсда умумий ҳисобда 5 та гол киритилди. Дастлаб қаршиликлар 26-дақиқада Марко Стоноевичнинг узоқ масофадан йўллаган супер зарбасидан сўнг ҳисобда олдинга чиқиб олди. 32-дақиқада эса Андрия Калудерович чап қанотдан оширилган тўпни дарвозага жойлаб қўйди. Жамоалар танаффусга шу ҳисобда йўл олди.

Иккинчи 45 дақиқаликда Туркманистон клуби кетма-кет икки бор гол уриб, мувозанатни тиклади. Бироқ 77-дақиқада Ҳусайн Норчаев 11 метрлик жарима зарбасидан унумли фойдаланиб, «Насаф»га ғалаба келтирди.

Шу тариқа «Насаф» Марказий Осиё минтақаси ғолиби бўлди. Эндиликда Рўзиқул Бердиев шогирдлари мусобақанинг ярим финал босқичида Ҳиндистоннинг «Моҳун Баган» клуби билан баҳс юритади.

ОФК Кубоги
Чорак финал (Марказий Осиё минтақаси финали)

«Насаф» Ўзбекистон — «Аҳал» Туркманистон 3:2
Голлар: 1:0 — 26 Станоевич, 2:0 — 32 Калудерович, 2:2 — 60 Тагаев, 2:2 — 69 Тагаев (пен), 3:2 — 77 Норчаев.

«Насаф»: 1.Умиджон Эргашев, 4.Ҳусниддин Алиқулов, 8.Дилшод Саидов, 19.Ҳусайн Норчаев, 22.Акмал Мозговой, 34.Шерзод Насруллаев, 77.Ойбек Бозоров (7.Дониёр Нарзуллаев, 90+3), 10.Баҳром Абдураҳимов (70.Абубакр Ризо Турдалиев, 62), 88.Марко Станоевич, 92.Умарбек Эшмуродов, 99.Андрий Калудерович (20.Суҳроб Нуруллаев, 62).

«Ахал»: 1.Расул Чориев, 3.Гурбангули Ашуров, 5.Абди Башимов (11.Дидар Дурдиев, 86), 7.Элман Тагаев, 9.Мирза Бекназаров (13.Шоҳрат Суюнов, 73), 14.Мейлис Диниев (12.Ибраҳим Мамедов, 56), 21.Расул Ҳожаев, 23.Хошгелди Хожовов (20.Пирмират Султонов, 56), 29.Сердар Гелдиев, 71.Ата Гелдиев, 10.Гурбан Аннаев (6.Арзувгули Сапаргулиев, 86). “Замин” янгиликларини “Одноклассники”да кузатиб боринг