Шер Мамазулунов навбатдаги жангини ўтказди

Бугун, Россиянинг Екатеринбург шаҳрида "Fair Fight" турнири бўлиб ўтди. Унда юртимизнинг энг машҳур К-1 жангчиларидан бири Шер Мамазулунов ҳам рингга кўтарилди.

У беларуслик Евгений Волчекка қарши жанг қилди. Уч раундлик ушбу қарама-қаршилик кескин ва шиддатли тарзда бўлиб ўтди. Якунда рақибига нисбатан аниқроқ ва фаолроқ бўлган ҳамюртимиз чиройли ғалабани қўлга киритди.

Мазкур муваффақият билан спортчимиз ва унинг мураббийларини муборакбод этамиз. Ғалабалар бардавом бўлсин!