Фото: «Реал»
«Реал» бош мураббийи Карло Анчелотти Испания Суперкубоги ярим финалидан ўрин олган «Барселона»га қарши ўйин олдидан ўз фикрлари билан ўртоқлашди.
Ўйин ҳақида
Биз ўйинга яхши ҳолатда келдик. Суперкубокни уйга олиб кетишни истаймиз. Бу мавсумдаги илк соврин бўлади.
Ўйинда ҳамма нарса бўлиши мумкин. Ғалаба ҳам, мағлубият ҳам. Лекин дуранг бўлмайди, ғолиб аниқланиши керак. Бу мавсумда биздан кўра кўпроқ муаммоларга дуч келган кучли рақиб билан қўлимиздан келганича ўйнашимиз керак, аммо ҳар иккала жамоада ҳам мақсад битта — финалга чиқиш.
Бошланғич таркиб ҳақида
Менда бир қанча иккиланишлар бор: биринчи навбатда, Карвахаль. У эндигина жароҳатдан фориғ бўлди, буни ҳисобга олиш керак. Иккинчидан, ўнг қанотда янги ўйинчилар бор, улардан фойдаланиш мумкин, масалан, Асенсионинг ўрнига Родригони. Жамоа яхши ҳолатда, Йович ҳам қайтди. «Барселона»га қарши ўйин ҳар доимгидек ўтади: бироз хавотир ва катта умидлар. Ажойиб ўйин бўлади. «Барселона»га қарши барча ўйинлар шундай ўтади ва бу бизга ёқади.
«Класико» ҳақида
«Класико» ҳар доим тенг ўйин бўлади. Рақамлар ва Ла Лигадаги ҳолат муҳим эмас. Бу Испания Суперкубоги ярим финали. Учрашув 0:0 ҳисобида бошланади.
«Барселона» етакчилари ҳақида
«Барселона»да ҳар доим жамоага ёрдам берадиган Пике, Бускетс, Хорди Альба каби фахрий футболчилардан ташқари, ёш футболчилар ҳам ажралиб туради: Гави ва Нико Гонсалес. Уларни ёрқин келажак кутмоқда деб ўйлайман.
Хавининг «Барселона»си ҳақида
Менга бу жамоа ёқади, чунки улар ўзи ўйини ҳақида аниқ тасаввурга эга ва нима хоҳлаётганини яхши тушунади. Жамоа клуб ғоясини давом эттирмоқда, Хави келиши билан натижалар яхшиланди. Бу унинг хизмати, Хавининг ғоялари ва ижроси жамоани кучайтирди деб ўйлайман.
Ўйиндан нима кутаётгани ҳақида
Барча ўйинлар мени бироз чўчитади, «Валенсия»га қарши ўйинда ҳам асабийлашдим. Ҳозир ҳам худди шундай. Ўйинчиларим бизни фаворит деб ўйлашидан хавотирдаман. Лекин улар бундай ўйламаяпти. Атрофимиздаги ҳеч ким бундай деб ўйламайди. Яхши ўйин ўтказишга ва ғалаба қозониш учун барча имкониятларни ишга солишга ҳаракат қиламиз.
Эслатиб ўтамиз, «Реал» — «Барселона» учрашуви 12 январдан 13 январга ўтар кечаси соат 00:00 да бошланади. Учрашув Саудия Арабистонида бўлиб ўтади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Боррел ЕИнинг Исроил билан мулоқотини тўхтатишни таклиф қилди
Блинкен Исроилдан учта муаммони ҳал этишни талаб қилди
АҚШ Исроилнинг икки вазирига санкция қўлламоқчи
Кремль Украина бўйича музокарада шартлар қўйишга уринмоқда
Рақобат қўмитаси биржада Аи-80 бензини бошланғич нархига чеклов ўрнатди
НАТО бош котиби Украинанинг фронтдаги аҳволи ёмонлашганини тан олди
КХДР етакчиси дронларни оммавий ишлаб чиқаришни йўлга қўйишни буюрди
Россия армияси Купянскка киргани айтилмоқда
