Хитойнинг Шимоли-ғарбий политехника университети (NPU) олимлари лазер ёрдамида узоқ вақт парвоз қила оладиган дрон яратилганини маълум қилишди. Бу ҳақда South China Morning Post хабар берди.
Профессор Ли Сюэлун ва унинг ҳамкасблари дронни ёруғлик энергиясини электр энергиясига айлантира оладиган модул билан жиҳозлашди. У эса дронни лазер ёрдамида масофадан туриб қувватлантириш имконини беради. Ўз навбатида, бундай хусусиятга эга дрон ҳавода жуда узоқ вақт давомида қолиши мумкин.
Тадқиқот гуруҳи учта шароитда синов ўтказилганини маълум қилди: ёпиқ хонада, очиқ ҳавода кундузи ва тунда. Дрон учала шароитда ҳам муваффақиятли учган.
Олимлар тизимнинг ҳаракат диапазони ва фотоэлектрик қувватлантириш самарасини эълон қилишмади, чунки бу тафсилотлар ҳарбий мақсадларда ишлатилиши мумкин. Олимларнинг ҳисоботида тақдим этилган анимацион иллюстрация «лазер» двигатели ёрдамида дрон осмонўпар бино баландлигига кўтарилиши мумкинлигини кўрсатади.
Дронлар ҳарбий, қишлоқ хўжалиги ва тижорат мақсадларида кенг қўлланилади. Агар уларнинг чидамлилигидаги чекловлар енгиб ўтилса, дунё учун кўплаб янги имкониятлар очилади, дейди олимлар. Улар «абадий» учадиган дронлардан йўл ҳаракати назорати, хавфсизлик патруллари, табиий офатдан қутқариш, контактсиз логистика ва бошқа мақсадларда кенг қўлланилишини кутишмоқда. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Ким Чен Ин Ғарбни Украинадан Россияга қарши фойдаланганликда айблади
