Москванинг “Мосгортранс” Давлат унитар корхонаси жорий йил ярмига қадар жамоат транспортининг бир неча юзлаб бекатлари Wi-Fi симсиз алоқа ёрдамида интернетга уланиш қурилмалари билан жиҳозланишини маълум қилди.
Айни пайтда Wi-Fi тармоғи Москва метросининг бир нечта станцияларида жорий қилинган. Бу алоқа туридан исталган алоқа қурилмаси – смартфон, планшет ёки ноутбук ёрдамида фойдаланиш мумкин. Таъсир қилиш масофаси 25-30 метрни ташкил қилади.
Жорий йилнинг 1 июлига қадар 450 та бекатда бепул Wi-Fi алоқаси пайдо бўлади.
“Биз бу ишларни амалга ошириш бўйича танлов эълон қилдик. Ушбу хизматни ҳозирча 450 та бекатда жорий қилишни режалаштирмоқдамиз. Буни амалга оширувчи компания апрель ойидан бошлаб бекатларни зарур қурилмалар билан жиҳозлашни бошлайди. Биринчи босқичдаёқ биз ушбу хизматни синовдан ўтказиб, уларни аҳолига тақдим қилишимиз мумкин бўлади”, деб маълум қилди “Мосгортранс” раҳбари Евгений Михайлов.
Бундан ташқари, интернетга симсиз алоқа ёрдамида уланиш хизмати Москва шаҳрида ҳаракатланувчи автобуслар, троллейбус ва трамвайларда ҳам жорий қилиниши мумкин. Буни амалга ошириш учун танлов ўтказиш имконияти кўриб чиқилмоқда.
Таъкидлаш жоизки, интернетга бепул уланиш хизмати Москвадаги 40 га яқин автобусларда ҳозирда жорий қилинган. Келажакда Wi-Fi-қурилмалари билан “Мосгортранс»нинг ҳаракатдаги бутун таркибини жиҳозлаш режалаштирилмоқда.
Манба: www.kun.uz “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Эрдўғон Туркия Исроил билан алоқаларини узганини маълум қилди
Боррел ЕИнинг Исроил билан мулоқотини тўхтатишни таклиф қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Ўзбекистонлик MMAчилар жаҳон чемпионатида биринчи ўринни эгаллашди
