Steam платформаси эрта киришдаги ўйинларни сотиб олувчи фойдаланувчиларни ҳимоя қилиш учун янги тизим жорий этди. Энди узоқ вақт янгиланмаган лойиҳалар махсус белги билан ажратилади, бу эса ўйинчиларни ташлаб қўйилган ўйинлар ҳақида огоҳлантиради.
Агар ўйин бир йил давомида ҳеч қандай янгиланиш ёки янгилик олмаган бўлса, унинг саҳифасида қуйидаги огоҳлантириш пайдо бўлади: «Охирги янгиланиш [сана] да чиқарилган. Ишлаб чиқувчининг маълумотлари эскирган бўлиши мумкин». Ишлаб чиқувчилар тушунтиришлар бериш имкониятига эга, масалан, ривожланишдаги қийинчиликлар ёки келажак режалари ҳақида маълумот беришлари мумкин.
Бу янгилик Steam’даги сифат назоратини оширишга ва ишлаб чиқувчиларни шаффофликка ундашга хизмат қилади. Ўйинчилар эса энди форум ёки шарҳларни ўқишга вақт сарфлаш ўрнига, ушбу белгиларга қараб қарор қабул қилишлари мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
