Gigabyte Technology компанияси GeForce RTX 5090 видеокарти асосида тайёрланган янги ташқи видеокартасини — Aorus RTX 5090 AI Box'ни тақдим этди, деб Overclockers хабар берди.
Энг кучли ташқи график модуллардан бири бўлган мазкур қурилма мобил эмас, балки тўлиқ десктоп версиясидаги RTX 5090 3D-ускорителга эга. У Thunderbolt 5 орқали уланади.
Ускуна ичида Gigabyte мутахассислари номаълум қувватдаги электр таъминоти блоги ва суюқлик асосидаги совитиш тизимини ҳам жойлаштиришган. Ускунанинг чиқиш портлари DisplayPort 2.1 (3 та), HDMI 2.1, RJ-45 Ethernet, икки USB 3.2 Gen2 Type-A ва бир USB Type-C ни ўз ичига олади.
Thunderbolt 5 интерфейси Bandwidth Boost режимида бир томонда 120 Гбит/с гача, иккинчи томонда эса 40 Гбит/с гача тезликни таъминлайди.
Gigabyte бу ташқи видеокартани яқин ойларда сотувга чиқаришни режалаштирган. Нархи 3000–4000 доллар (такрибан 37–49 млн сўм) оралиғида бўлиши кутилмоқда.
“Zamin”ни Telegram'да ўқинг! 
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
