Dyson’дан янги PencilVac — дунёдаги энг юпқа ва ақлли чангютгич

Тоза ва замонавий турмушнинг етакчи брендларидан бири бўлган Dyson яна бир инновацион қурилмаси — PencilVac чангютгичини тақдим этди. Компаниянинг таъкидлашича, бу қурилма ҳозирги кунга келиб дунёдаги энг юпқа чангютгич ҳисобланади. Янги қурилма нафақат дизайн, балки фойдаланиш қулайлиги ва функционал имкониятлари жиҳатидан ҳам ўзига хос бўлиб, кундалик уй ишларини енгиллаштиришда янги босқични бошлайди.

Юпқаликда рекорд:
PencilVacнинг асосий диққатга сазовор жиҳати — унинг ҳайратланарли даражада юпқа тузилмасидир. Дастак қисми бор-йўғи 38 мм диаметрига эга бўлиб, бу компаниянинг машҳур Dyson Supersonic фени билан деярли бир хил. Двигател ва электроника мана шу юпқа танага жойлаштирилган — натижада қурилма ташқи кўринишида оддий швабрани эслатади.

Omni-glide ўрнини босувчи:
Dyson ўзининг аввалги моделларидан бири — Omni-glide ўрнини босувчи сифатида PencilVacни тақдим этмоқда. Янги чангютгич аввалгисидан ҳам юпқа ва енгил — умумий оғирлиги 1,8 кг. Қолаверса, Omni-glide’даги икки айланувчи четканинг ўрнига, PencilVacда тўртта айланувчи четка мавжуд бўлиб, бу тозалаш самарадорлигини икки баробар оширади.

Техник хусусиятлар:
- Мотор диаметри — 28 мм;
- Айланиш тезлиги — 140 000 айланиш/дақиқа;
- Сўриш қуввати — 55 AW;
- Фильтр тизими — икки босқичли, самарадорликни йўқотмаслик ва чанг тарқалмаслиги учун;
- Чиқинди идиши — сиғимни оширадиган махсус сиқиш механизмига эга;
- LCD дисплей — тозалаш режими ва аккумулятор ҳолатини кўрсатувчи экран.

Кимлар учун мос?
PencilVac юкли жиҳозлардан чарчаган ва минимализмга ўч, қулайликни қадрловчи ҳар қандай уй учун идеал танлов бўлади. Унинг юпқалиги, енгиллиги ва техник жиҳатдан замонавийлиги нафақат хонадонларда, балки офис, студия ёки тор жойларда ҳам эркин ҳаракатланиш имконини беради.

Dyson'нинг бу янги ихтироси чангютгичлар оламидаги навбатдаги инқилоб бўлиши шубҳасиз. Қурилма расман “интеллектуал тозалик” даврини бошламоқда.