Xiaomi компанияси AI Glasses номли янги ақлли кўзойнакларини тақдим этди, деб Rozetked хабар берди. Янги қурилма бозордаги энг арзон таклифлардан бири сифатида эътироф этилмоқда.
Кўзойнак оғирлиги бор-йўғи 40 граммни ташкил қилиб, стандарт ақлли гаджет функцияларини ўз ичига олади.
AI Glasses'га овозли ёрдамчи Xiao Ai ўрнатилган бўлиб, у атроф-муҳит ва яқин атрофдаги буюмлар ҳақида маълумот бериш имкониятига эга. Объектларни таниш функцияси 12 мегапикселли (IMX681 модули) камера орқали амалга оширилади. У шунингдек 2К видео ёзиб олиш имкониятига ҳам эга. Овоз сифатини таъминлаш учун 6 та микрофондан фойдаланилади.
Қурилма орқали мусиқа тинглаш ва қўнғироқларга жавоб бериш ҳам мумкин. Батарея 8 соатгача ишлайди, USB-C орқали қувватланади.
Харидорлар учун 3 та модификация таклиф этилмоқда: стандарт, электрохромли — соя даражаси бошқариладиган тури ва рангли линзаларга эга бўлган версия (рангни алмаштириш мумкин).
Базавий версияси Хитойда 1999 юан (~3,5 млн сўм) нархда олдиндан буюртма учун мавжуд.
«Замин»ни Telegram’да ўқинг! 
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
