Anthropic ва OpenAI ўртасида ҳамкорлик тугади

Anthropic компанияси OpenAI’нинг Claude сунъий интеллект моделларига бўлган кириш имконини расман чеклади, деб TechCrunch.com хабар берди.

Бу қарор Claude 3 моделларининг OpenAI тизимларида, жумладан, ChatGPT ёки бошқа хизматларда қўлланилишининг олдини олади. Бу ҳамкорликнинг тўлиқ тугаши сифатида баҳоланмоқда.

Anthropic ва OpenAI аввалроқ модел синовлари ёки таҳлиллар учун маълум даражада ўзаро API кириш ҳуқуқига эга бўлган. Энди эса Claude API OpenAI учун тўлиқ ёпилди.

Компаниялар бу қарорнинг сабабларини ошкор этмаган, бироқ мутахассислар буни AI бозоридаги рақобатнинг кучайиши билан изоҳламоқда.

Claude моделлари ҳозирда Google Cloud, Amazon Bedrock ва бошқа платформада фаолият юритмоқда. OpenAI эса ўзининг GPT-4o моделини илгари сурмоқда.

Бу ўзгаришлар икки етакчи AI компанияси ўртасидаги рақобат янада кескинлашганини кўрсатади.

Нодирбек Раззоков

«ЗАМИН.УЗ» муҳаррири