Яқин келажакда Apple ўзининг кўп йиллик анъанасини бузиб, ўрта сегмент бозорига чиқиши мумкин. Rozetked нашрининг ёзишича, компания A18 Pro телефон чипида ишлайдиган арзон MacBook моделини ишлаб чиқмоқда. Янги ноутбук 12,9 дюймли экранга эга бўлади ва тахминан 600–700 доллар (6,6–7,7 млн сўм атрофида) нархда сотувга чиқиши кутилмоқда.
Маълумотларга кўра, ушбу MacBook асосий мақсадли аудиторияси — бюджет имкониятлари чекланган фойдаланувчилар. Бу маҳсулот iPad ва Chromebook ўртасидаги рақобат давом этаётган таълим бозори учун эмас, балки кенг омма учун мўлжалланади. Apple сўнгги 10 йил ичида бундай арзон ноутбук чиқармаган — ҳатто энг арзон MacBook Air ҳам ҳозирда 999 доллардан бошланади.
Арзонлаштирилган MacBook’ни ишлаб чиқариш билан Тайваньнинг Quanta Computer компанияси шуғулланади. Айрим компонентлар ишлаб чиқариши жорий чорак охирида бошланиши, тўлиқ тақдимот эса 2026 йил бошига режалаштирилган.
«Замин»ни Telegram’да ўқинг!
