Ниҳоят! Instagram Apple планшетлари тарихида биринчи бор iPad учун расмий иловани ишга туширди. Курсив.медиа хабар беришича, энди iPad эгалари мослаштирилган версияни App Store’дан тўғридан-тўғри юклаб олишлари мумкин.
Биринчи iPad чиққанидан бери тўлиқ 15 йил ўтди ва шу вақт мобайнида Instagram фақат iPhone версияси билан чекланиб келди. Фойдаланувчилар интерфейсни чўзишга ёки браузер орқали сайтни очишга мажбур бўлишди.
Энди эса илова катта экранларга тўлиқ мослаштирилди. Лента ва шахсий хабарлар чап томонда, изоҳлар эса ўнг томонда жойлаштирилган. Бу навигацияни анча қулайлаштиради.
Ишлаб чиқувчилар Реэлс’га алоҳида эътибор қаратишди - энди иловани ишга туширганда дастлаб қисқа видеолар бўлими очилади. Бундай ёндашув аудиториянинг тенденциялари ва кутилмаларига мос келади.
Илова iPadOS 15.1 ва ундан юқори версияли қурилмаларда мавжуд. Apple планшетларининг оммавийлиги ҳисобга олинса, Instagram улкан аудиторияга қараб катта қадам ташлади, дейиш мумкин. Сиз янги версияни синаб кўрдингизми?
«Замин»ни Telegram’да ўқинг!
