Россияда интернетдан фойдаланиш тобора чекланмоқда. Август ойида ҳукумат WhatsApp ва Telegram орқали қўнғироқларга тўсқинлик қилди. Бу иловалар миллионлаб одамлар ҳаётида муҳим ўрин тутади. Мутаҳассислар буни ҳукуматнинг назоратни кучайтириш ҳаракати деб баҳоламоқда.
Чекловлар фонида янги “Max” иловаси ишга туширилди. У барча янги қурилмаларга мажбурий ўрнатилмоқда. Расмийлар уни давлат хизматлари ва тўловларни бирлаштирувчи “супер-илова” сифатида тарғиб қилмоқда. Аммо фойдаланувчиларнинг маълумотлари ҳукумат қўлига ўтиши хавфи бор.
“Max” иловаси орқали фойдаланувчилар тўловлар қилиш, давлат хизматларидан фойдаланиш ва турли маълумотларга тезкор кириш имконига эга. Расмийлар уни қулай деб кўрсатмоқда, аммо шахсий маълумотлар хавфсизлиги масаласи катта ташвиш уйғотмоқда. Шу билан бирга, кўплаб ҳудудларда мобил интернет бутунлай узилиб, одамларнинг ҳаёти қийинлашмоқда.
Энди мактаблар ота-оналар чатларини “Max”га кўчиришга мажбур. Айрим ҳудудларда у фавқулодда хизматларга боғланган. Мутаҳассислар бу жараённи Хитойдаги қатъий интернет назоратига ўхшатмоқда. Одамлар VPN орқали чекловлардан қочишга уринмоқда, аммо бу ҳам тобора қийинлашиб бормоқда.
«Замин»ни Telegram’да ўқинг!
