Microsoft ва OpenAI янги келишув имзолади. Бу келишув OpenAI’га ўзини for-profit (даромад олишга йўналтирилган) компанияга айлантириш имкониятини беради. Бу қадам сунъий интеллект соҳасидаги энг йирик ҳамкорликлардан бирини янги босқичга олиб чиқмоқда.
Янги шартлар ҳақида тўлиқ маълумот берилмади, бироқ томонлар якуний келишув устида ишлашда давом этмоқда. OpenAI сўнгги йилларда катта даромад топиб, халқаро миқёсда кенгайишни мақсад қилмоқда.
Microsoft 2019-йилда OpenAI’га 1 миллиард, 2023-йилда эса 10 миллиард доллар сармоя киритган эди. Аввал Microsoft OpenAI маҳсулотларини фақат Azure орқали тарқатган бўлса, энди компания Oracle ва Google билан ҳам ҳамкорлик бошлади.
OpenAI тузилмасидаги ўзгаришлар АҚШ рухсатидан ўтиши керак. Жараён йил охиригача якунланмаса, компания катта маблағ йўқотиши мумкин. Шу билан бирга, Microsoft ҳам ўз сунъий интеллект ишланмаларини мустақил ривожлантиришга эътибор қаратмоқда.
“Zamin”ни Telegram'да ўқинг!
