Мета ўсмирларнинг онлайн хавфсизлигини кучайтиради

Мета компанияси ўсмирларнинг сунъий интеллект билан ёзишмаларини ота-оналар назорат қила оладиган янги тизимни жорий этади. Бу қарор чатботларнинг ўсмирлар билан ножўя мулоқот қилгани ҳақидаги танқидлардан сўнг қабул қилинди.

Янги функция орқали ота-оналар фарзандларининг АИ билан шахсий чатларини ўчириб қўйиши ёки улар муҳокама қилаётган умумий мавзуларни кўриши мумкин бўлади.

Мета бу имкониятни 2026-йил бошида АҚШ, Буюк Британия, Канада ва Австралияда Instagram орқали йўлга қўяди.

Мета вакиллари чатботлар ўсмирлар билан зарарли мавзуларда, жумладан ўз жонига қасд ёки нотўғри овқатланиш ҳақида суҳбатлашмаслигини таъкидлади.