OpenAI тасодифан янги GPT-5.4 моделини кўрсатиб қўйди

OpenAI компанияси Codex материалларида тасодифан янги GPT-5.4 моделини кўрсатиб қўйган бўлиши мумкин, деб Rozetked хабар берди. Ушбу янги модел ҳақидаги маълумотлар X ижтимоий тармоғида ва GitHub’даги PR тавсифларида пайдо бўлди. Фойдаланувчиларнинг тахминига кўра, компания GPT-5.3 версиясини ўтказиб юбориб, тўғридан-тўғри GPT-5.4 ни тақдим этиши мумкин. Бунга компания материалларида қолдирилган бир нечта имловий хатолар сабаб бўлди.

Воқеалар ривожи қуйидагича бўлди:

* Ҳаммаси GitHub’даги код ўзгаришларидан бошланди, у ерда дастурчилар нейротармоқнинг тасвирларни сиқмасдан, асл ҳолида қайта ишлаш функциясини жорий қилаётган эди. 

* PiunikaWeb порталининг таъкидлашича, дастлабки тавсифда "GPT-5.4 ва ундан янгироқ" моделларини қўллаб-қувватлаш ҳақида ёзилган. 

* Кўп ўтмай хатолик пайқалиб, матн gpt-5.3-codex кўринишига ўзгартирилган. 

* Тармоқда GPT-5.4 модели стандарт танлов менюсида кўриниб қолган скриншотлар ҳам тарқалди. 

* Эслатиб ўтамиз, ҳозирги GPT-5.3-Codex версияси атиги икки ҳафта олдин, 5 февралда чиқарилган эди.