Apple янгиланган Siri ёрдамчиси ва Apple Интеллигенcе'ни кенг жорий этишдаги кечикишлар юзасидан ҳануз саволларга дуч келмоқда, бироқ компания аллақачон App Store орқали сунъий интеллектдан яхши даромад топмоқда. The Wall Street Journal келтирган маълумотлар ва AppMagic илова таҳлил компаниясига кўра, Apple бу йил учинчи томон AI иловалари билан боғлиқ комиссиялардан 1 миллиард доллардан кўпроқ тушум олиши мумкин. Бу ҳақда 3dnews.ru хабар беради.
Бу даромаднинг асосий қисми Apple экотизими ичида сотилган обуналардан келади. Apple одатда обунанинг биринчи йилида 30 фоиз, ундан кейин эса 15 фоиз улуш олади. AppMagic ҳисоб-китобига кўра, 2025 йилда AI иловалари обуналари Аппле'га қарийб 900 миллион доллар комиссия даромади келтирган, шунинг тахминан тўртдан уч қисми эса фақат ChatGPT ҳиссасига тўғри келган. Хабарларга кўра, яна қарийб 5 фоиз хАИ'нинг Grok хизматидан келган.
Ҳисоботда айтилишича, Аппле'нинг AI билан боғлиқ ойлик комиссия даромади 2025 йил январдаги 35 миллион доллардан августда 101 миллион долларга кўтарилган, гарчи ЧатГПТ'га фойдаланувчилар қизиқиши аввалги чўққисига нисбатан бироз пасайган бўлса ҳам. Шундай бўлса-да, бу бизнес Аппле'нинг тез ўсиб бораётган хизматлар бўлими учун муҳим бўлиб қолмоқда, айниқса айрим рақиблар қилаётган улкан AI инфратузилма сармоялари билан солиштирганда, у анча кам харажат талаб қилади.
Apple ўз AI йўналишини ривожлантиришда ҳануз ҳамкорларга катта даражада таянмоқда, янги Siri тажрибасини эса Google Gemini қўллаб-қувватлаши кутилмоқда. Шу билан бирга, OpenAI собиқ Apple бош дизайн раҳбари Jony Ive билан боғлиқ стартапни сотиб олганидан кейин аппарат қурилмаларига яқинлашмоқда. Бу охир-оқибат ОпенАИ'ни Аппле'нинг асосий қурилмалар бозорида тўғридан-тўғри рақобатчига айлантириши мумкин.
“Zamin”ни Telegram'да ўқинг!
