Россиянинг 100 минг дўконида Max орқали ёшни текшириш тизими жорий этилди

Россия Саноат ва савдо вазирлиги миллий Max мессенжерининг мамлакат савдо соҳасидаги имкониятлари кенгайтирилганини эълон қилди. Эндиликда харидорлар айрим турдаги товарларни сотиб олишда ўз ёшини ушбу илова орқали тасдиқлашлари мумкин. Бу ҳақда Ixbt.com хабар беради.

Мазкур тизим ҳозирда бутун мамлакат бўйлаб 100 мингдан ортиқ савдо нуқталарида ишга туширилди.

Вазирлик мутахассислари интеграциянинг навбатдаги босқичи устида иш олиб бормоқда. Келгусида мессенжер орқали имтиёзли мақомни, хусусан, пенсионер ёки кўп болали оила аъзоси эканлигини тасдиқлаш имконияти яратилади.

Бу фойдаланувчиларга дўконларда тегишли чегирмалардан тезкор фойдаланиш шароитини тақдим этади.

Ҳозирда Аучан тармоғининг ўз-ўзига хизмат кўрсатиш кассаларида ушбу функция жорий этилган. Кейинги қадамда Max мессенжери Аучан содиқлик дастури билан янада чуқурроқ боғланади ва анъанавий кассаларга ҳам татбиқ этилади.

Шу тариқа, мессенжер оддий мулоқот воситасидан кундалик чакана хизматлар асбобига айланиб бормоқда.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг