Маск суд мажлисида OpenAIdan даромад олиш ҳақида кўрсатма берди

Илон Маск чоршанба куни Калифорния федерал судида OpenAI компаниясига қарши кўрсатма берди. У Сэм Альтман ва бошқа ҳаммуассислар хайрия ташкилотини ўғирлаганини таъкидлади. Бу ҳақда Techcrunch.com хабар беради.

Маск суд қасамёди остида Tesla ҳозирда умумий сунъий интеллект (AGI) яратиш устида ишламаётганини тан олди. Бу унинг бир неча ҳафта олдин ижтимоий тармоқда ёзган хабарига зиддир.

Суд жараёнида OpenAI адвокати Уильям Савитт Маскнинг ўзи ҳам компанияни тижорат ташкилотига айлантиришни қўллаб-қувватлаганини кўрсатишга уринди. Маск 2016 йилда бу борада музокаралар олиб борганини тасдиқлади.

Маскнинг таъкидлашича, у OpenAI раҳбариятига инсоният учун сунъий интеллект яратишига ишонган. Бироқ кейинчалик уларнинг мақсадларидан шубҳалана бошлаган.

Судья Ивонн Гонсалес Рожерс хавфсизлик масалалари бўйича сўроқларни вақтинча тўхтатди. Маск пайшанба куни яна судга келиб, кўрсатма беришда давом этади.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг