Илон Маск суддаги сўроқ пайтида OpenAI компаниясини тижорат ташкилотига айлантириш бўйича дастлабки муҳокамалардан хабардор бўлганини, бироқ Сэм Альтман компания нотижорат бўлиб қолишига ишонтирганини айтди. Бу ҳақда Ixbt.com хабар беради.
Маск OpenAI, унинг ҳаммуассиси Сэм Альтман ва президент Грег Брокманга қарши судга мурожаат қилиб, улар хавфсиз сунъий интеллект яратиш ваъдаси билан ундан 38 миллион доллар олганини, кейин эса ўз бойликларини ошириш учун тижорат тузилмасига ўтганини даъво қилмоқда.
OpenAI юристининг 2017 йил 31 августда Альтман юборган келишувни ўқиганмисиз деган саволига Маск: «Мен майда шрифтни ўқимадим, фақат сарлавҳани ўқидим», деб жавоб берди. Маск компания бошқарувида ўзгаришлар ва 150 миллиард доллар товон пули талаб қилмоқда.
OpenAI вакиллари Маскнинг ҳаракатларини компанияни назорат қилиш истаги ва 2018 йилда директорлар кенгашидан кетганидан кейинги муваффақиятларга ҳасад қилиш билан изоҳламоқда. Шунингдек, Маск ўзининг xAI компаниясини ривожлантиришга уринаётгани айтилмоқда.
Маск судда унинг xAI компанияси ўз моделларини ўргатиш учун OpenAIдан фойдаланишини тасдиқлаб, бу стандарт амалиёт эканини таъкидлади.
“Zamin”ни Telegram'да ўқинг!
