Аичи-Нагояда икки ўзбек боксчиси чоракфиналга йўл олди

Аичи-Нагояда давом этаётган Осиё ўйинларида Ўзбекистон боксчилари ғалабали юришини бошлади. 25 сентябрь куни рингга кўтарилган икки вакилимизнинг ҳар иккиси ҳам рақибини 5:0 ҳисобида мағлуб этиб, чоракфиналга чиқди.

Халоковдан ишончли старт

-60 кг вазн тоифасида Олимпиада ва жаҳон чемпиони Абдумалик Халоков мусобақадаги биринчи жангини шимолий кореялик О Тае Бомга қарши ўтказди.

Ўзбекистонлик боксчи баҳс давомида устунликни қўлдан чиқармади ва ҳакамларнинг якдил қарори билан 5:0 ҳисобида ғалаба қозонди.

Ўктамова ҳам чоракфиналда

Аёллар ўртасида -54 кг вазн тоифасида Нигина Ўктамова ҳам мусобақани ғалаба билан бошлади. У тожикистонлик Бибинашастамо Холовани 5:0 ҳисобида мағлуб этиб, кейинги босқич йўлланмасини қўлга киритди.

Шу тариқа, Аичи-Нагоядаги Осиё ўйинларида Ўзбекистоннинг икки боксчиси ҳам чоракфиналга йўл олди.