"Honor 600" смартфонлари глобал бозорда сотувга чиқди
"Honor 600" ва "Honor 600 Pro" смартфонлари глобал бозорда сотувга чиқди. Янги серия олдинги "Honor 400" моделларидан кўра юқори натижаларга эришган, айниқса Гонгконгда 60 фоизлик ўсиш қайд этилган. База модел 6,57 дюймли AMOLED экран, "Snapdragon 7 Ген 4" процессори ва 12 GB тезкор хотира билан жиҳозланган. Европа бозорида базавий модель 550-700 евро, Pro версияси эса 1000 евро атрофида сотилмоқда.
"Honor 600" ва "Honor 600 Pro" смартфонлари Европа, Яқин Шарқ, Африка ҳамда Жануби-Шарқий Осиё бозорларида сотувга чиқди. Ишлаб чиқарувчининг маълум қилишича, янги серия олдиндан буюртмалар бўйича "Honor 400" натижаларини ортда қолдирган. Бу ҳақда Ixbt.com хабар беради.
Гонгконг бозорида олдинги авлодга нисбатан 60 фоизлик ўсиш қайд этилди. Малайзия ва BAA бозорларида эса бутун серия учун олдиндан буюртмалар сони 150 фоиздан кўпроққа ошган.
База модели 6,57 дюймли AMOLED экран, 120 Гс янгиланиш частотаси ва 8000 нит ёрқинликка эга. Қурилма "Snapdragon 7 Ген 4" процессори ва 12 GB тезкор хотира билан жиҳозланган.
Асосий камера 200 ва 12 мегапикселли сенсорларни ўз ичига олади.
"Honor 600 Pro" версияси кучлироқ "Snapdragon 8 Элите" платформаси ва 3,5 каррали зумга эга 50 мегапикселли қўшимча камера билан таъминланган. Европа бозори учун мўлжалланган версияларда аккумулятор сиғими 7000 mA/соатдан 6400 mA/соатга камайтирилган.
Иккала модель ҳам "Android 16" операцион тизимида ишлайди ва 6 йиллик янгиланишларни олади. Европада таянч модель хотира ҳажмига қараб 550 дан 700 еврогача, Pro версияси эса 1000 евродан сотилмоқда.
Изоҳлар 0
…