Yandex жамоаси 2026-йил май ойида Алиса AI учун тақдим этилган йирик янгиланишлар ҳақида маълумот берди. Эндиликда фойдаланувчилар фотосуратлардан фонни тезда олиб ташлашлари, тасвирдаги муҳим деталларни ажратиб кўрсатишлари ва маҳсулотларни нафақат ҳавола, балки номи бўйича ҳам қидиришлари мумкин. Бу ҳақда Ixbt.com хабар беради.
Асосий янгиликлардан бири тасвирлардаги фонни ўчириш имкониятидир. Бунинг учун суратни “Суратни жонлантириш” бўлимига юклаш, “Ўзгартириш” бандини танлаш ва Алиса AI'дан фонни олиб ташлашни сўраш кифоя. Тайёр натижани ПНГ форматида сақлаб олиш мумкин. Бундан ташқари, нейротармоқ энди тасвирнинг маълум бир қисми бўйича саволларга жавоб беришни ўрганди.
“Стюдия” бўлимида фотосуратларни таҳрирлаш ва жонлантириш функциялари бирлаштирилди. Сурат таҳрирлангандан сўнг экранда “Жонлантириш” тугмаси пайдо бўлади ва у автоматик равишда анимация яратиш жараёнини ишга туширади. Бу фойдаланувчиларга контент билан ишлашда вақтни тежаш имконини беради.
“Арзонроқ топиш” деб номланган сунъий интеллект агенти энди маҳсулотларни нафақат ҳавола орқали, балки номи бўйича ҳам қидиради. Қидирув тезлиги оширилди, маҳсулот нархи ёнида эса таклифнинг қанчалик фойдали эканлиги ҳақида маслаҳатлар пайдо бўлди. Шунингдек, қидирув ҳудудини танлаш имконияти қўшилди, бу бошқа шаҳарларга совға буюртма қилишда жуда қулайдир.
“Zamin”ни Telegram'да ўқинг!
