Журналист Тим Кулпан хабарига кўра, Apple компанияси MacBook Neo ноутбукларига бўлган юқори талаб туфайли уларни ишлаб чиқариш ҳажмини икки бараварга оширишга қарор қилди. Дастлабки режаларга кўра, 5-6 миллион дона қурилма чиқарилиши кўзда тутилган бўлса, эндиликда бу кўрсаткич 10 миллион донага етказилди. Бу ҳақда Ixbt.kom хабар беради.
Ушбу натижа ҳатто кўплаб таҳлилчиларнинг прогнозларидан ҳам юқори бўлиб чиқди. Аввалроқ ТрендФорсе мутахассислари 5 миллион дона MacBook Neo сотилиши орқали ушбу модел 600-800 долларлик ноутбуклар бозорининг 10 фоизини эгаллашини башорат қилган эди. Apple'нинг янги режаси амалга ошса, компания мазкур сегментнинг 20 фоизига эгалик қилиши мумкин.
MacBook Neo'нинг бозордаги муваффақиятини инкор этиб бўлмайди. Шу билан бирга, рақобатчилар ҳам бўш келмаяпти. Хусусан, Microsoft компанияси Signal65 агентлигига махсус ҳисобот тайёрлатди. Унда Windows 11 операцион тизимида ишлайдиган арзон ноутбуклар айрим жиҳатлари билан MacBook Neo'дан устунроқ бўлиши мумкинлиги таъкидланган.
“Zamin”ни Telegram'да ўқинг!
