Elon Musk асос солган SpaceX компаниясининг Starlink сунъий йўлдош тизими бугунги кунда дунёнинг 160 дан ортиқ мамлакатида 12 миллиондан зиёд фаол абонентга юқори тезликдаги интернет хизматини кўрсатмоқда. Компания атиги 53 кун ичида бир миллион янги фойдаланувчини жалб қилишга муваффақ бўлди. Бу ҳақда Ixbt.com хабар беради.
Ҳозирги кунда орбитада 10 300 та сунъий йўлдош мавжуд бўлиб, компания йил охиригача фойдаланувчилар сонини 25 миллионга етказишни режалаштирмоқда. Келгуси авлод сунъий йўлдошлари эса ўтказувчанлик қобилиятини 100 баробар ошириб, гигабит тезликдаги интернетни тақдим этиши кутилмоқда.
Оокла таҳлилларига кўра, Starlink АҚШда рекорд даражадаги тезликни қайд этган. Кўплаб штатларда ўртача юклаш тезлиги 100 Мбит/с дан ошган, кечикиш (пинг) даражаси эса 40 мс дан пастроқ кўрсаткични ташкил этмоқда. Бу кўрсаткичлар анъанавий кабел интернети билан рақобатлашиш имконини беради.
Мутахассисларнинг прогнозларига кўра, сунъий йўлдош интернети бозори жадал ривожланишда давом этади. Тахминларга кўра, Starlink фойдаланувчилари сони икки йилдан сўнг 100 миллиондан, тўрт йилдан кейин эса 200 миллиондан ошиши мумкин.
“Zamin”ни Telegram'да ўқинг!
