Аотос Флух Х26 гибрид электровелосипеди Киккстартер краудфандинг платформасида катта муваффақиятга эришди. Дастлабки 85 минг доллар мақсад қилинган бўлса-да, лойиҳа аллақачон 2,5 миллион доллардан ортиқ маблағ тўплаб, фойдаланувчилар орасида катта қизиқиш уйғотди. Бу ҳақда Ixbt.com хабар беради.
Велосипед икки хил версияда тақдим этилган. База модели 750 В қувватли мотор билан жиҳозланган бўлиб, соатига 32 км тезликда ҳаракатланади ва бир қувватланишда 80 км масофани босиб ўтади. Pro версияси эса 2000 В чўққи қувватига эга мотор, 45 км/соат тезлик ва 113 км масофани босиб ўтиш имконини беради.
Техник жиҳатдан қурилма Bluetooth, рақамли бошқарув панели, смартфон орқали қулфдан чиқариш, шунингдек, ГПС ва 4G модуллари билан бойитилган. Ишлаб чиқарувчи ушбу транспорт воситасини нафақат шаҳар ичида қатнаш, балки фаол дам олиш учун ҳам мўлжалланган янги турдаги электр транспорти сифатида тақдим этмоқда.
Нархлар ҳам харидорлар учун мақбул кўринади: база версияси 1200 доллар, Pro версияси эса 1600 доллар этиб белгиланган. Маҳсулотни бутун дунё бўйлаб етказиб бериш режалаштирилган бўлиб, илк етказиб беришлар 2026-йилнинг июн ойига мўлжалланган.
“Zamin”ни Telegram'да ўқинг!
