OpenAI компанияси фойдаланувчиларга ўзининг сунъий интеллектга асосланган Кодех дастурий воситасига смартфонлар орқали кириш имконини берди. Эндиликда iOS ва Android учун мўлжалланган ChatGPT иловаси орқали компьютерингиздаги Кодех тизимини масофадан туриб бошқариш ва унга буйруқлар юбориш мумкин. Бу ҳақда Ixbt.com хабар беради.
Ушбу янгилик ёрдамида фойдаланувчилар ўз смартфонлари орқали код ёзиш жараёнларини кузатиши, натижаларни кўриши, буйруқларни тасдиқлаши ёки янги вазифаларни бошлаши мумкин. Барча файллар, ҳисоб маълумотлари ва созламалар компьютернинг ўзида сақланиб қолади, телефон экранига эса реал вақт режимида скриншотлар, терминал чиқишлари ва тест натижалари узатилади.
Кодех функцияси ҳозирда ChatGPT'нинг барча тариф режалари, жумладан, бепул ва арзонроқ бўлган Го режаси фойдаланувчилари учун дастлабки кўриб чиқиш (превиев) режимида тақдим этилди. Бу имконият дастурчиларга ўз иш жараёнини мобил қурилмалар ёрдамида янада самарали бошқариш имконини беради.
Маълумот учун, OpenAI Кодех — бу сунъий интеллектга асосланган булутли муҳандислик агенти бўлиб, у код ёзиш, рефакторинг қилиш ва ҳужжатларни автоном тарзда тайёрлаш каби мураккаб вазифаларни бажаришга қодир. ChatGPT эса инсон тилини тушунадиган ва турли ижодий ҳамда техник вазифаларда ёрдам берадиган илғор чат-бот ҳисобланади.
“Zamin”ни Telegram'да ўқинг!
