«Касперскй Лаб» Яқин Шарқ ва Шимолий Африка минтақаларида кибержиноятчиликка қарши курашишга қаратилган «Ramз» операциясида Interpolни қўллаб-қувватлади. Компания матбуот хизматининг хабар беришича, ушбу ҳамкорлик доирасида киберхавфлар ва тажовузкорларнинг инфратузилмаси ҳақидаги муҳим маълумотлар тақдим этилган. Бу ҳақда Ixbt.com хабар беради.
Мазкур операция натижасида 201 нафар гумонланувчи ҳибсга олинди ва ноқонуний фаолиятга алоқадор бўлган яна 382 киши аниқланди. Маълумотларга кўра, ушбу жиноятчиларнинг ҳаракатларидан қарийб 4 минг киши жабр кўрган. Операция 2025-йилнинг октябридан 2026-йилнинг февралигача давом этиб, унда Жазоир, Миср, Ироқ, Иордания, Қатар, БАА ва бошқа жами 13 та давлат вакиллари иштирок этди.
Биргаликдаги саъй-ҳаракатлар туфайли фишинг ва молиявий фирибгарлик учун фойдаланилган серверлар, веб-сайтлар ва қурилмалар аниқланиб, блокланди. Бу каби чоралар минтақадаги рақамли хавфсизликни таъминлашда муҳим қадам бўлди.
«Касперскй Лаб» компаниясининг давлат органлари билан алоқалар бўйича вице-президенти Юлия Шличкова таъкидлашича, «Ramз» операцияси ҳуқуқ-тартибот идоралари ва хусусий компанияларнинг бирлашиши йирик ва мураккаб кибержиноятчилик тармоқларини йўқ қилиш имконини беришини яна бир бор исботлади.
“Zamin”ни Telegram'да ўқинг!
