Ўзбекистоннинг UzAuto компанияси Туркиянинг йирик ҳарбий техника ишлаб чиқарувчи NMS (Nurol Makina ve Sanayi) компанияси билан англашув меморандуми имзолади.
Меморандумда йилига минг донагача миқдорда Ejder Yalçın 4x4 (Эждер Ялчин) русумидаги тактик зирхли машиналарини Ўзбекистондаги заводда ишлаб чиқариш кўзда тутилган.
Хабарда айтилишича, ишлаб чиқарилган зирхли машиналарнинг 24 донаси Ўзбекистонда қолади, қолганлари эса Туркияга жўнатилади.
Ejder Yalçın зирхли машинаси ушбу турдаги Россия ва Хитой зирхли машиналари билан тенглаша олади. Туркия машиналари хориждаги ҳеч бир ишлаб чиқарувчи эга бўлмаган ҳимоя тизимига эгалиги билан ажралиб туриши айтилган.
Ушбу машиналар 14 тонна вазнга эга бўлиб, 4 тонна юк кўтара олади. Юқори тезлиги соатига 120 километрни ташкил этиб, двигатель кучи 375 от кучини ташкил этади. Ёқилғи қуйиш сиғими 700 км га етарли.
Ушбу машиналар алоқа, ҳужум, оддий транспорт воситаси сифатида фойдаланиладиган модификацияларига эга.
Аввалроқ, Ўзбекистон Республикаси Мудофаа вазирлигида Туркия Мудофаа вазирлиги делегацияси билан учрашув бўлиб ўтган эди.
Учрашувда июн ойида енгил зирҳланган автомобиллар компанияси “Nurol” томонидан ишлаб чиқарилган “EJDER 4х4” русумидаги ҳарбий транспорт воситалари Ўзбекистон шароитида муваффақиятли синовдан ўтгани ҳамда ўнлаб шу русмдаги ҳарбий транспорт воситаларини ҳарид қилиш, ушбу моделдаги автомобилларни Туркия томон сармояси асосида Ўзбекистон Республикаси ҳудудида ишлаб чиқаришни йўлга қўйиш масалалари ўрганилаётгани хабар қилиган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Трамп Путинга қўнғироқ қилиб, Украинадаги урушни муҳокама қилди
Фронтдаги вазият: Россия ҳарбийлари Курск областида қарши ҳужумга тайёрланмоқда
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Рақобат қўмитаси биржада Аи-80 бензини бошланғич нархига чеклов ўрнатди
Украина ҚК бош қўмондони: “Фронтдаги вазият мураккаб ва кескинлашиши мумкин”
Иммунитетни кўтариш учун 6 та энг яхши витамин
