Араб шайхи учун танк ташувчидан улкан жип йиғиб берилди (видео)

  • 03 март 2019, 13:35
  • 7 097
  • Технология
  • Араб шайхи учун танк ташувчидан улкан жип йиғиб берилди (видео)
    БААлик шайх Ҳамад бин Ҳамдан Ол Наҳаён антиқа автомобиллари коллекцияси билан танилган.

    Унинг коллекциясидаги навбатдаги экспонат 5 ўқли Dhabiyan йўлтанламаси бўлиб, у Oshkosh M1075 танк ташувчи юк машинаси негизида қурилган. Бошқа маълумотларга кўра юк машинаси аввал бурғилаш қурилмаси учун асос бўлиб хизмат қилган. Машинанинг яратувчилари юк машинаси шассисига Jeep Wrangler Unlimited йўлтанламаси кузовини ўрнатишган.

    Шайхнинг ўзи янги машинасининг улкан ўлчамлари билан мақтаниш имкониятини қўлдан чиқармай, уни бошқариб кўрган: йўлтанламаснинг узунлиги 11 метрни ташкил қилади, баландлиги эса 3,3 метрга етади.

    Машина 24 тонна келиб, унга ҳажми 15,2 литр ва қуввати 600 от кучини ташкил қилувчи Caterpillar C15 турбодизел двигатели ўрнатилган.

    » » Араб шайхи учун танк ташувчидан улкан жип йиғиб берилди (видео)