22:02 / 18.04.2020

Интернетда iPhone 12 Pro Max — энг катта iPhone’нинг суратлари пайдо бўлди

^{Фото: EverythingApplePro}
Интернетда тарқалган смартфон чизмалари асосида 6,7 дюймли янги iPhone’нинг сурати пайдо бўлди, деб хабар қилади Hi-Tech.Mail.ru.
Рендерлар таниқли дизайнер Макс Вайнбах ҳамда блогер EverythingApplePro томонидан тайёрланди.

Инсайдернинг таъкидлашича, чизмаларга кўра, iPhone 12 Pro Max тарихдаги энг катта iPhone’га айланади. Ушбу чизмалар якуний эмас, шу сабабли айрим деталларга ўзгартириш киритилиши мумкин.

^{Фото: EverythingApplePro}

^{Фото: EverythingApplePro}
iPhone 12 Pro Max ўзидан олдинги iPhone 11 Pro ҳамда қўшимча LIDAR камерага эга янги iPad Pro’нинг дизайнини ўзида мужассамлаштирган. Қурилма тўрт объектдан иборат массив модулли камераларга эга — 11 Pro’даги учта камерага LIDAR (3D камера) ҳам қўшилган. Корпуснинг ён ҳошиялари ингичка ва ўткир бурчакли — iPhone 5’ни ёдга солади.

iPhone 12 Pro Max ўлчамлари жиҳатидан 11 Pro Max’дан сезиларди даражада катта. Биринчи навбатда дисплай ўлчами 6,5 дюймдан 6,7 дюймга қадар ошган. Шу билан бирга, Apple ҳошияларни ва янги смартфондаги қриқимни кичрайтирган, бу эса корпусни ихчамлаштиради.

^{Фото: EverythingApplePro}
Жорий йилнинг кузида Apple бир вақтнинг ўзида тўртта янги iPhone тақдим этиши керак — 5,4 дюймли экранга эга ҳамёнбоп модел, 6,1 дюймга эга иккита модел ҳамда 6,7 дюймли улкан экранга эга смартфон. Уларнинг барчасига OLED дисплейлари ўрнатилади, бироқ улар техник жиҳатдан бир-биридан фарқ қилади.