Антивирус ўриндиқларга эга самолёт салонининг концепти тақдим этилди

^{Фото: Avio Interiors}
Италиянинг авиация интерьерларини ишлаб чиқариш билан шуғулланувчи Avio Interiors компанияси антивирусли ўриндиқларга эга самолёт салони концептини тақдим этди.

Йўловчиларни ўтқазишнинг икки варианти мавжуд. Биринчисига Янус — икки юзли Рим худосининг номи берилган бўлиб, унга кўра бир қаторга уч ўриндиқ жойлаштирилади, ўртадаги ўриндиқ орқа томонга ўгирилган бўлади.

^{Фото: Avio Interiors}
Мазкур ҳолатда жойлар шаффоф пластик билан ажратилиб, ўриндиқлар атрофи ўраб чиқилади. Ушбу пластик тўсиқни бошқариш мумкин: шаффофлилик даражасини камайтириш ёки тўлиқ қора қилиб қўйиш. Бу каби ечим йўловчилар орасида максимал изоляцияни таъминлаши мумкин. Бундан ташқари, йўловчилар ўзининг шахсий маконига эга бўлади.

^{Фото: Avio Interiors}
Иккинчи вариант номи Glassafe бўлиб, шаффоф капсулани ёдга солади — у ўриндиқларнинг тепа қисмига ўрнатилади, ўриндиқлар эса ўз ҳолича қолади. Конструкция йўловчи атрофида изоляцияланган маконни ҳосил қилади ва атрофдагилар билан ҳаво орқали алоқани камайтириш имконини беради.

^{Фото: Avio Interiors}
Ўриндиқларга қотириш учун бир неча жиҳозлар таклиф қилинмоқда — капсулани осонликча ечиб ташлаш ёки олдингидек қотириб қўйиш мумкин. Шунингдек, пластик шаффофлиги ҳам турли даражада бўлиши мумкин.

^{Фото: Avio Interiors}
Иккала концепт ҳам Avio Interiors томонидан патентланган ва ишлаб чиқаришга тайёр. “Замин” янгиликларини “Facebook”да кузатиб боринг