Ўзбекистонда ўзини ўзи банд қилувчи шахсларга электрон тижоратни амалга ошириш ҳуқуқи берилиши мумкин. Бу ҳақда Давлат солиқ қўмитаси ахборот хизмати хабар берди.
Хабарга кўра, Давлат солиқ қўмитаси томонидан Президентнинг «Электрон тижорат маъмуриятчилигини такомиллаштириш ва уни янада ривожлантириш учун қулай шароитлар яратиш тўғрисида»ги қарори лойиҳаси ишлаб чиқилган. Ишлаб чиқилган лойиҳа жамоатчилик муҳокамасига қўйилиб, 7 мартда якунланган.
Давлат солиқ қўмитаси аҳоли ва тадбиркорлардан келиб тушган таклифларни таҳлил қилиб, жамоатчилик таклифларида электрон тижоратни амалга ошириш тартибини сезиларли даражада соддалаштиришга алоҳида эътибор қаратилган. Таҳлилий ишлар натижасида лойиҳага бир қатор ўзгаришлар ва қўшимчалар киритилган.
Хусусан, электрон тижоратни амалга ошириш тартибини эркинлаштириш ва аҳолининг кенг қатламини тадбиркорликка жалб қилиш ва натижада аҳолини иш билан таъминлаш мақсадида Давлат солиқ қўмитаси ишлаб чиқилган лойиҳага ўзини ўзи банд қилувчи шахсларга электрон тижоратни амалга ошириш ҳуқуқини бериш нормасини киритишга қарор қилган. Бу каби нормалар электрон тижорат сегментини «оқартириш»да мутлақо янги имкониятларни яратади, чунки ҳозирги кунда ўзини ўзи банд қилганлар учун бир қатор солиқ имтиёзлари ва енгилликлар берилган.
Қайд этилишича, фаолиятни рўйхатдан ўтказиш ва амалга ошириш жараёнининг соддалиги фуқароларнинг харажатларини камайтиради. Чунки ўзини ўзи банд қилганларни рўйхатдан ўтказиш ва солиқларни тўлаш махсус мобил илова ёки солиқ тўловчининг шахсий кабинетда «биргина тугмани босиш» орқали амалга оширилади.
Бундан ташқари, Солиқ кодексининг 369-моддасига асосан, ўзини ўзи банд қилган шахсларнинг меҳнат фаолияти натижасида олинган даромадлари жисмоний шахсларнинг жами даромадларига киритилмайди. Ўзини ўзи банд қилган шахс меҳнат стажига эга бўлиши учун эса бир йилда бир маротаба базавий ҳисоблаш миқдорининг камида бир баробари миқдорида ижтимоий солиқ тўлаши лозим. Лойиҳада электрон тижоратни ривожлантиришга қаратилган бир қатор бошқа рағбатлантириш чоралари ҳам назарда тутилган, хусусан:
- электрон тижорат билан шуғулланадиган барча субъектларнинг айланмадан олинадиган солиқ ва фойда солиғи ставкалари электрон тижоратдан олинган даромад миқдоридан қатъи назар, 50 фоизга пасайтирилади;
- товарлар (хизматлар) электрон савдоси билан шуғулланувчи ёшларга айрим солиқларни фоизсиз кечиктириш (бўлиб-бўлиб тўлаш) ҳуқуқи берилади.
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Зеленский Путин борасида баёнот берди: “Тинчликни истаганлар юзига тупурмоқда”
