12:39 / 27.03.2021
1 472

Андроидда ўта хавфли вирус аниқланди

Андроидда ўта хавфли вирус аниқланди
Фото: «Ferra.ru»
Мобил қурилмалар хавфсизлиги билан шуғулланувчи «Zimperium» компанияси мутахассислари андроидларда тизим янгиланиши ниқоби остида яширинган вирус борлигини аниқлашди.

Вирус қурилмага иловалар дўконини четлаб ҳам ўрнатиш мумкин бўлган System Update номли илова билан бирга кириб олади.

Зарарли дастурий таъминот смартфонга ўрнашиб олганидан сўнг қурилмани масофадан бошқарадиган Firebase серверига уланади. Шу тарзда қурилмадаги маълумотлар фойдаланувчидан яширинча серверга жўнатила бошланади.

Вируснинг имкониятлари анчагина кенг: смартфондаги хабарларни ва маълумотларни ўғирлайди, браузердаги созламаларни, қидирувлар тарихини, микрофонда ёзиб олинган қўнғироқлар ва овозларни қўлга киритади. Бундан ташқари, ўзи фотосурат олиб, геолокациягача кузатади.

Хабарга кўра, ушбу вирусни топиш жуда қийин, чунки яхшигина ниқобланган — интернетга сарфланаётган трафикни камайтириб кўрсатади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Технология » Андроидда ўта хавфли вирус аниқланди