Rossiya «Volga» avtomobilini qayta ishlab chiqarmoqchi

^{Foto: ‘‘Realnoe Vremya’’}
Rossiya sanoat va savdo vaziri Denis Manturov «RBK» telekanaliga bergan intervyusida Sovet davrida mavjud bo‘lgan «Volga» va «Pobeda» avtomobil brendlarini qayta tiklash rejalari haqida gapirdi.

- Bizda «Volga» va «Pobeda» brendining ikkalasini ham jonlantirish rejalari bor, — dedi u.

Bunday mashinalar Nijniy Novgorodda ishlab chiqariladimi, degan savolga Manturov loyihani turli ob’ektlarda amalga oshirish mumkinligini aytdi. Biroq u qachon ishlab chiqarish boshlanishini ma’lum qilmadi.

16 may kuni Moskva meri Sergey Sobyanin «Moskvich» brendi ostidagi avtomobillarni ishlab chiqarish qayta tiklanishini ma’lum qilgan edi.

Ular shahar balansiga o‘tkazilgan Moskvadagi sobiq Renault zavodida yig‘iladi. Bunday loyihadan manfaatdor bo‘lishi mumkin bo‘lgan xorijiy avtomobil ishlab chiqaruvchilar bilan muzokaralar olib borilayotgani ta’kidlandi.

«Pobeda» 1946 yildan 1958 yilgacha «Gorkiy» avtomobil zavodida ishlab chiqarilgan. Ushbu brend ostida jami 240 mingdan ortiq avtomobil ishlab chiqarilgan.

«Volga» brendi ostidagi avtomobillar «GAZ»da 1956 yildan ishlab chiqarilishni boshlagan. “Zamin” yangiliklarini “Youtube”da kuzatib boring