Olma-Otada ikki yuzta nemis avtobusi qatnaydi

Qo‘shni Qozog‘istonning Janubiy poytaxti ko‘chalariga 200 dona Mercedes avtobusi qo‘yiladi. 20tasi shu yilning dekabridanoq qatnashni boshlaydi. Bu haqda "Qalampir.uz" xabar bermoqda.

Olma-Ota hokimiyati va FalconEuroBus kompaniyasi hamda Daimler AG konserni o‘rtasida uch tomonlama shartnoma imzolangan. Yangi avtobuslar “Evro-5” standartiga mos keladi.

Yangi avtopark Auezov tumanida quriladi. U 7 gektar maydonni egallashi va usti yopiladigan maydonchalari 255 avtobusni sig‘dirishi ma’lum.