Mercedes-Benz yangi elektr C-Class dizaynini tayyorlamoqda

Mercedes-Benz kompaniyasi elektr C-Class modelining yangi dizaynini tayyorlamoqda. CarBuzz nashri tomonidan oʻtkazilgan qishki sinovlarda prototipning yangi koʻrinishi tasvirga olindi. Bu yangi elektr Mercedes C-Class oʻzining benzinda ishlaydigan versiyasidan va avvalgi prototiplardan sezilarli farq qiladi.

Prototipning old qismini qayta dizayn qilishga ehtiyoj boʻlgan. EQ seriyasi dizayni mijozlar talablariga mos kelmaganligi sababli, kompaniya koʻproq an'anaviy koʻrinishga oʻtishga qaror qildi. Mercedes-Benz bosh direktori Ola Kallenius elektr C-Class va uning krossover GLC «qarindoshi» haqida ma'lumot berdi. Bu avtomobillarning debyuti 2026-yilda rejalashtirilgan, hozir esa 2025-yilgi oxirgi sinov bosqichidan oʻtmoqda.

Yangi prototipning farlari, kapot chizigʻi va radiator panjarasi yangicha dizaynga ega. Avtomobilning orqa farlari va turli xil gʻildirak dizaynlari seriyali ishlab chiqarishdan oldingi bosqichni koʻrsatadi. Shu bilan birga, dastlabki prototipning gʻalati burin qismi endi yoʻq.

Yangi C-Class’da kutilayotgan xususiyatlar orasida kengaytirilgan Hyperscreen displeyi bor. Ekran oʻlchami 56 dyuymga etishi va butunlay fizik tugmalardan voz kechilishi kutilmoqda.

Mercedes-Benz soʻnggi yillarda elektr segmentida ba'zi qiyinchiliklarga duch keldi va shu sababli yangi rejalashtirish kiritdi. Elektr va benzinli modellarning koʻrinishini bir-biriga yaqinlashtirish strategiyasi BMW misolida muvaffaqiyatli boʻlgan. BMW kompaniyasi 2024-yilda AQShda 50 981 elektr avtomobil sotishga muvaffaq boʻldi va global miqyosda 425 000 dan oshiq elektr mashina sotib, oʻtgan yilga nisbatan 13,5% oʻsish koʻrsatdi. “Zamin” yangiliklarini “Telegram”da kuzatib boring