UzAuto Cobalt uchun shartnomalarni ochmaydi

UzAuto Motors Cobalt uchun shartnomalar ochilishi haqidagi xabarlarni rad etdi, deb Autostrada.uz xabar berdi.

18 mart kuni o‘zbek Telegram segmentida Chevrolet Cobalt avtomobilining Style AT va Midnight rusumlariga tez orada shartnomalar ochilishi haqida xabarlar tarqaldi.

O‘sha kuni kechqurun UzAuto Motors bu xabarlarni rasman rad etdi. Kompaniya bu ma’lumotlarni yolg‘on deb atab, haqiqatga zid ekanligini bildirdi.

Shu bilan birga, kompaniya qachon Cobalt uchun shartnomalar ochilishi haqida hech qanday izoh bermadi.

Cobalt narxlari oshishi haqida ham hozircha hech qanday e’lon berilgan emas — narxlar o‘zgarishi 15 kun oldin rasman e’lon qilinishi kerak.

Ma’lumot uchun, so‘nggi yillarda byudjet avtomobillari savdosi faqat UzAuto Savdo platformasi orqali amalga oshirilib, foydalanuvchilar ko‘plab texnik muammolardan o‘tib, shartnomani 6-9 oylik kutish muddati bilan olishga harakat qilishadi. “Zamin” yangiliklarini “Telegram”da kuzatib boring